Home / சினிமா / திரை செய்தி / ரூ.200 கோடி பட்ஜெட்டில் நான்கு மொழிகளில் மருதநாயகம். கமல்ஹாசனின் மெகா பிளான்

ரூ.200 கோடி பட்ஜெட்டில் நான்கு மொழிகளில் மருதநாயகம். கமல்ஹாசனின் மெகா பிளான்

Maruthanayagam (1)நடிகர் கமலஹாசனால் கடந்த 1997ஆம் ஆண்டில் துவக்கப்பட்ட ‘மருதநாயகம்’ ஒரு வரலாற்றுத் திரைக் காவியமாகச் சித்தரிக்கப்பட்டது. 18ஆம் நூற்றாண்டில் வாழ்ந்த முகமது யூசுப் கான் என்ற வீரரைப் பற்றிய கதை இதுவாகும்.

தமிழ், ஹிந்தி, தெலுங்கு, ஆங்கிலம் ஆகிய நான்கு மொழிகளில் தயாரிக்கப்படுவதாக இருந்த இந்தத் திரைப்படம் பின்னர் கைவிடப்பட்டதாக அறிவிக்கப்பட்டது. பொருளாதாரப் பிரச்சினையும், மற்ற சில வெளிவராத பிரச்சினைகளும் இந்தப் படத்தைக் கிடப்பில் போட்டன.

விஸ்வரூபம் முதலாம் பாகத்தில் மட்டும் கமல்ஹாசனுக்கு ரூ.50 கோடிக்கு மேல் லாபம் கிடைத்துள்ளது. எனவே இந்த தைரியத்தில் மீண்டும் மருதநாயகம் படத்தை ஆரம்பிக்க முடிவுசெய்துள்ளார். லிமிடெட் கம்பெனி ஒன்றை தொடங்கி பொதுமக்களிடம் பங்குகள் திரட்டி இந்த படத்தை ரூ.200 கோடி பட்ஜெட்டில் தமிழ், தெலுங்கு, இந்தி , ஆங்கிலம் என்ற நான்கு மொழிகளில் தயாரிக்க மெகா பிளான் செய்துள்ளார் கமல்ஹாசன்.

தற்போது ‘விஸ்வரூபம்’ படத்திற்கு கிடைத்த வரவேற்பில் கமலஹாசன் அதன் இரண்டாவது பாகத்தையும் தயாரித்து வெளியிடும் இறுதிக் கட்ட வேலைகளில் உள்ளார். இந்தப் படத்தின் வெற்றி அவருக்கு மீண்டும் மருதநாயகத்தை இயக்கும் எண்ணத்தை உருவாக்கியுள்ளது. அவரது வெளிநாட்டு நண்பர்கள் பலரும் அந்தப் படத்திற்குத் தேவையான பொருளுதவியை அளிப்பதாகக் கூறியுள்ளது அவரது ஆர்வத்தினை மேலும் தூண்டியுள்ளது. அதனால், தன்னுடைய தீவிரமான ரசிகர்களுக்காக ‘மருதநாயகம்’ படத்தினைத் தயாரிக்கும் முயற்சியில் அவர் மீண்டும் ஈடுபடக்கூடும் என்று தகவல்கள் தெரிவிக்கின்றன.

Leave a Reply

Scroll To Top